bahes baraye adab with saar

[saar]

۔”زیادہ” کی کنجائش نا ہو تو ”کافی” پہ گزارا ہو جانا چاہیئے۔۔۔۔”زیادہ”  اچھی چیز ہے، بہت اچھی چیز ہے پر اگر ”زیادہ” کی خواہش زیادہ ہو جائے تو ”کافی” کم لگنے لگتا ہے۔۔۔طالب علمی کا دور میں گھر والے مجھ سے بڑی توقعات رکھتے تھے پر مسئلہ یہ تھا کہ میں  حساب میں بہت کمزور تھا۔۔تھا  کیا،،،اب بھی وہی حال ہے پر فرق اتنا ہے کہ اب میں کہیں پہ میتھیمٹکس کا امتحان دینے جاتا نہیں۔۔۔۔ سیکنڈ ایر بورڈ کے سالانہ امتحان سے پہلے جب کالج والوں نے امتحانات لیئے تو میں نے سو میں سے تیرہ نمبر لے کر فیل ہونے کا کارنامہ میں نے بڑے دھڑلّے سے انجام دیا۔۔۔ مجھے بُرا تو لگا پر بڑا عجیب بھی لگا۔۔۔ اچانک سے سب نے میرے ساتھ ایسا سلوک کیا جیسا اموماً لوگ چھوت کے مریضوں کے ساتھ کرتے ہیں۔۔۔ آس پڑوس رشتے داروں میں خبر پھیلی،، خوب شہرت ہوئی کہ میاں فیل ہو گئے۔۔۔جیسے کسی بڑی فلمی ہیروین کے ساتھ میرا کوئی سکینڈل ریلیز ہوگیا ہے۔۔۔۔پتہ ہوتے ہوئے بھی سب نے بڑے افسوس اور ہمدردی سے سوال کیا کہ یہ کیا ہوا، کیسے ہوا، کب ہوا اور کیوں ہوا وغیرہ وغیرہ۔۔۔۔ گھر والے شروع میں تو پریشان ہوئے پر وہ بیچارے کرتے بھی کیا،، سالانہ امتحان میں دن اتنے کم تھے اور میرے پلّے کچھ پڑتا نہیں تھا۔۔۔ اپنی سی کوشش کر کے انہوں نے بالاخر مجھے میرے حال پہ چھوڑ دیا۔۔۔
اب قسمت مہربان ہو تو آدمی کی کام چوری بھلا کہاں معنی رکھتی ہے۔ کچھ ایسا ہی میرے ساتھ ہوا جب بورڈ کے سالانہ امتحان ہوئے۔۔۔باقی سب کو تو شاید شک تھا، پر مجھے پورا یقین تھا کہ میں میتھس میں پھر فیل ہو جاونگا،،،،،،،، پر ایسا ہوا نہیں۔۔۔آج تک سوچتا ہوں کہ کیسے نہیں ہوا۔۔۔ بہرحال، شاید میرے لئیے اچھا ہی ہوا۔۔۔۔۔۔ رزلٹ آؤٹ ہوا تو مجھے خبر بھی نہ تھی،، میں خوب تیار ہو کر دوستوں کے ساتھ جانے کہاں جا رہا تھا کہ والد صاحب گھر میں داخل ہوئے۔۔۔ کہنے لگے تمھارا رزلٹ آ گیا ہے۔۔ میں نے اُنکی طرف دیکھا اور کہا کہ بس اتنا بتائیے کہ فیل ہوا یا پاس۔ نمبر کتنے ہیں، کم ہیں زیادہ ہیں اس پر واپس آ کر بات کر لینگے۔۔۔ انہوں نے جواب میں صرف ”پاس” کہا اور میں گھر سے نکل گیا۔۔۔۔۔ جو چیز میں نے اُنکے چہرے پہ دیکھی وہ یہ تھی کہ اُنکے لیئے یہی ”کافی” تھا۔۔۔۔ میں واپس آیا بھی تو انہوں نے نمبروں پہ ڈسکس نہیں کی۔۔۔۔۔ یہ اُنکے لیئے ”زیادہ” سے کم تھا پر ”کافی” تھا۔۔۔ انہیں فخر نہیں تھا پر شرمندگی بھی نہیں تھی۔۔۔ شاید یہ ”کافی” کا سودا بھی مہنگا نہیں ہوتا۔۔۔ شاید اسی لئیے خدا بھی خود کو ”کافی” کہتا ہے۔۔۔۔ شاید اسی لیئے،، اگر زیادہ کی گنجائش نہ ہو تو ”کافی” پہ گزارا ہو جانا چاہئیے۔۔۔ ”زیادہ” اچھی چیز ہے، بہت اچھی چیز ہے پر اگر ”زیادہ” کی عادت بن جائے تو ”کافی” کم لگنے لگتا ہے۔۔۔۔۔

[Naseem]

عمو ماً

aisa likha jata hai .

[saar]

amooman kya likha jata hai?